Facebook
Twitter
Instagram
Beat TV
Google Plus
RSS Feed

On Air

with EmmCee RNB
Saturdays: 12pm - 6pm

Listen Live

Advertisement

Federal Government

House Rep Don Put Leg Inside Fed. Govt & NUEE Palava

Di house of representative, don also resolve to shook mouth inside di kwanta wey dey between wi Oga federal government and di worker-dem wey dey inside wi contri power sector.

 

Meanwhile, di National Union Of Electricity Employees, dis morning don suspend ein nationwide strike, as dem bin announce-am thru dia twitter handle, as de say, de suspend di strike in order to allow di window of negotiation.

 

FG Suppose Regulate Social Media Now - Shehu

Di Special Assistant to wi Oga Presido ontop newtory-mata, Garba Shehu, don give advise say, e go better make de regulate di social media now, as e say, if de fail to do-am, e go dey allow “more lawlessness, violence and death-dem inside di contri.

 

Oga shehu, say, wi Naija government no get anything against free speech. E tok dis word, inside one media award event, wey one newtory paper group, wey de dey call, Kawararafa reporters, organize.

FG Don Turn Grazing Reserve To Ranch-Dem

Oga federal government, don begin dey re-arrange some grazing reserve-dem to become ranch-dem, wey dey inside some seven state-dem, as part of di effort-dem wey de dey make now to won transform and modernize di livestock industry, for wi contri-Naija.

 

FG Don Promise Say Petrol Go Dey For Christmas Period

Oga federal government, don offload assurance say, petrol go dey yanfu-yanfu across di contri, during and after dis joliment period, wey wi won enter-so.

 

FG Don Explain Why N-Power Never Give Allawee

Wi federal government, don give reason-dem, wey make dos wey dey enjoy di N-Power scheme, never fit get dia every-month allawee for di past two months. Di Minister ontop humanitarian, disaster management plus social development-mata, Sadiya Farouq, wey yan about dis mata inside one press sidon-tok, wey ein do, Monday, he say, wetin cause di delay, na b’cos of di present process wey de dey make now to hand over di scheme to ein ministry, wey bi di proper ministry, wey di N-power go dey under, as from now.

 

FG Don Appeal To London Court Ontop $9.6bn

Oga Federal government don nake appeal against one judgement wey one London court nake, where den take tok say, make wi Naija government pay $200m to take stop one irish company not to fit seize wi country property dem, wey worth $9.6bn.

 

Senate Don Re-introduce Hate Speech Bill

Wi Naija Senate don re-introduce one bill, wey de won take establish one federal government agency wey go dey check-check di use of hate speech inside wi contri-Naija.

 

Dis bill, wey dem title as ‘National Commission For The Prohibition Of Hate Speeches’, wey one former tok-tok person of di Senate wey don now become di deputy whip of di senate, Sen. Sabi Abdullahi, dey sponsor, e don pass di first reading ontop di floor of di red chamber Tuesday.

 

FG Don Introduce MIDAS To Airports & Borders

Wi Oga federal government, don arrange one border management technology, wey de dey call, di Migration Information Data Analysis System (MIDAS), put for inside some three international airport-dem plus some 14 land and two sea border area-dem, wey dey inside wi contri-Naija, in order to check-check di any how movement of migrant-dem, human trafficing into wi contri, plus other cross-border crime-dem, wey dey like to happen inside di contri.

 

Put Fire-Fighting Equipment For Market, Senate To FG

Wi Naija Senate, Thursday, don tell wi Oga federal government, say, make ein put fire-fighting equipment-dem, inside all di major market-dem, wey dey across di contri. Di senate make dis resolution, after dem bin do plenty tok-tok ontop di faya wey burn-burn some market-dem for Onitsha, di week before dis week.

 

FG Don Declare Public Holiday For Eid-Ul-Mawlid celebration

Oga Federal Government thru di mouth of wi Naija ministry ontop interior-mata, Thursday, don declare Monday 11 November, as public holiday, to take won mark di Eid-Ul-Mawlid celebrate.

 

Na wi Muslim broda and sista-dem all over di world, dey use dis celebrate take dey mark di birthday of Prophet Muhammad.

 

Subscribe to RSS - Federal Government

Advertisement

On Air

with EmmCee RNB
Saturdays: 12pm - 6pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701