Facebook
Twitter
Instagram
Beat TV
Google Plus
RSS Feed

On Air

with Emmcee RNB and Becca Blisse
Weekdays: 6am - 11am

Listen Live

Federal Government

FG Go Close Border Ontop Fish Importation

Wi Naija Minister ontop Agriculture and Rural Development-mata, Alhaji Sabo Nanono, don yan say, wi oga federal government go begin to dey close ein borders, not to dey import fish enter wi contri, within next two years. According to Nanono, wey nak dis tori give newtory pipo for Abuja, Thursday, e say, fish yaakpa inside ponds for wi contri, wey go fit belle-full wi contri pipo well-well. 

FG Don Drop Price Of Petrol To N125

Presido Muhammadu Buhari, don approve say, make de reduce di pump price of petrol from N145 per liter to N130 per liter, as from now. According to wi oga presido-office, e say, wi oga presido reduce dis fuel price follo one report wey di Minister of State ontop Petroleum-mata, Timipre Sylva, bin present inside di Federal Executive Council (FEC) meeting, wey dem do Wednesday, for Abuja.

 

FG Don Inaugurate Committee For Humanitarian Policy

Di Minister ontop Humanitarian-mata, Disaster Management plus social development-mata, Hajiya Sadiya Umar Farouq, don inaugurate one committee wey go dey in-charge of humanitarian policy sidon-tok-mata, Sunday, for Abuja-yonda.

 

De say, according to di minister, she say, de won use dis forum to take dey provide one platform wey de go dey use take do policy tok-tok between her ministry and di office of di United Nation resident coordinator, Edward Kallon.

FG Don Use IPPS Sack 70,000 Ghost Workers

Naija Minister ontop Money plus National plan-plan-mata, Hajia Zainab Shamsuna Ahmed, don yan say, wi oga federal government don flush out some 70,000 ghost workers comot from ein payroll, thru di IPPS system. Na madam Ahmed, tok dis word for, Kano, during one chop-tok wey di accountant general office of wi contri do give all federal directors.

 

FG Don Say Dem Go Dey Quarantine Any Person Wey Enter Di Country

Wi oga federal government don offload explanate, why, ein no dey quarantine any traveler wey just dey come into wi contri from outside. Di minister ontop heleth-mata, Dr. Osagie Ehanire, wey yan give newtory pipo, Sunday, for Abuja, he say, di governmet dey take dis action follo di recommendation wey di World Health Organisation (WHO) give to all contri-dem about dis mata.

 

Quarantine Anbody Wey Come From China - Senate To FG

As worry-worry don dey everywhere now about di heavy rate wey dis coronavirus disease don take dey spread across di world, tori say, wi Naija Senate don tell wi oga federal government, say, as from now make e dey quarantine any international traveler, wey come from China won enter wi contri-Naija.

 

FG Don Promise N36m For Anyone Wey Find Coronavirus Cure

Wi Oga federal government, Thursday, don challenge all di okpoka science pipo wey dey inside wi contri, say, make dem try find solution to dis uturugbeke disease wey de dey call coronavirus, wey don dey threaten di whole world, for some time now.

 

Di Minister ontop Science and Tekinology-mata, Ogbonnaya Onu, wey trowey dis challenge, e also promise say, di government ready to dash N36million to any of wi Naija Scientist wey fit find di cure to dis disease.

FG Don Develop NFACS Onto Climate Mata

Wi Federal government don develop one national framework wey de dey call, di Nigerian Application Climate Services (NFACS) to take dey tackle di mata of climate change. Na wi Naija Minister ontop Aeroplane fly-fly-mata, Hadi Sirika, tok dis word, during di public presentation of di 2020 Seasonal Rainfall Prediction (SRP) and 2019 climate review.

 

FG Don Dey Implement The Finance Bill

Federal Government don start to dey carry out some aspect of di Finance Act, as e don begin implement di 7.5 per cent increase wey de do ontop di value added tax, for all government business. Na di Accountant-General of wi contri, Alhaji Ahmed Idris, na-im confam dis tori, during one shion-shion zim-zim wey ein bin yan with, newtory pipo for Abuja, Wednesday.

FG Wan Use $1.46bn Take Complete Ajaokuta Steel Complex

Wi Federal government don gada one $1.46 billion dollar as money, wey ein won take complete di work ontop di Ajaokuta steel complex wey don dey mentien for many-many years now. 

 

Subscribe to RSS - Federal Government

On Air

with Emmcee RNB and Becca Blisse
Weekdays: 6am - 11am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701