Facebook
Twitter
Instagram
Beat TV
Google Plus
RSS Feed

Listen Live

Senate Say Make FG No Sell National Theatre & TBS

Wi naija senate Tuesday, don tell wi oga federal government, say, make ein stop dat ein plan to won sell, di National Theatre and di Tafawa Balewa Square, wey both of dem dey, Lagos state-yiee. De say, weyn di lawmaker-dem bin dey adopt one motion, wey one, Sen. Fatimat Raji-Rasaki, move today ontop di floor of di senate, di lawmaker-dem describe di move as threat to wi national identity and image.

 

Una go remember say, dis news of di plan to won sell some of wi government property-dem, comot from di mouth of di oga director general of budget office, Mr. Ben Akabueze, as ein say, ein advise wi oga federal govt to sell, di TBS, di National Arts Theatre and some of wi power plant-dem, wey dey under di national integrated power projects wey bi part of wi key national property-dem, so-dat? Wi oga federal govt fit gada money wey e go take run wi contri budget for di next three years.

 

According to, Mrs. Raji Rasaki, wey move dis motion against dis plan, she say, all dis institution-dem plus ogbonge property-dem, na historical landmark-dem and dem dey serve as symbol-dem of wi contri-naija and soo, make de no sell-dem at-all-at-all. De say, Sen. Shehu Sani, wey support di motion, con offload advise give dos wey get plan to won buy-dem, say, make dem try build all dis type of ogbonge property-dem by dia-sef, instead of to dey put pressure to sell-dem.

 

Meanwhile, Sen. Dino Melaye, con warn wi oga federal govt say, make e no folo di wrong road to won privatize di national property-dem.

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701