Facebook
Twitter
Instagram
Beat TV
Google Plus
RSS Feed

On Air

with Osam and OTB
Weekdays: 4pm - 10pm

Listen Live

SGF Don Beg Senate Make Dem Quick Pass 2018 Budget

Di oga seci to wi oga federal government, Mr. Boss Mustapha, don beg di National Assembly say, make dem do kpaakpakpa to pass di 2018 budget, wey wi oga presido, Muhammadu Buhari, don already offload put for dia domot since. ‎‎De say, oga Mustapha, wey tok dis ‘i-beg-una’ give di senate, weyn ein bin go defend ein office 2018 budget for di domot of di senate today, e say, if dem fit quick-quick pass di budget, e go make di govt to fit begin offload di gain of democracy to wi naija pipo.

 

Wi newtory-person for Abuja, Raliat Adenekan, con katapot report say, di SGF also tell di head-dem of government ministry-dem, department-dem and agency-dem (MDAS) to come out to con defend dia budget-dem. Di chairmo of di senate committee ontop federal character-mata, Sen. Tijani Kaura, con offload assurance say, di senate no go stop ein effort-dem, to make sure dem pass di budget kia-kia.

 

Meanwhile, di lawmaker-dem con advise di executive say, make dem dey see  di national assembly as one of di koko part of di govt and con add say, make dem know say, na di cooperation of dis two arm of government dey very necessary for di smooth run-run of government business-dem.‎

Photo Credit: 
hisprideblog.com

On Air

with Osam and OTB
Weekdays: 4pm - 10pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701