Facebook
Twitter
Instagram
Beat TV
Google Plus
RSS Feed

On Air

with Godwin Aruwayo and Temitope Chikezie
Weekdays: 11am - 4pm

Listen Live

Senate Don Vex Onto How Police Take Talk About Ekweremadu Assasination Attempt

Naija Senate, Thursday, don squeeze face seriously for dat statement, wey wi naija police take describe, dat assassination attempt wey some jagulabi pipo bin make ontop di life wi deputy senate presido, Sen. Ike Ekweremadu, say, na ordinary breaking and entry attempt e bi, wey oyibo dey call, burglary. De say, all di lawmaker-dem wey react to dis mata, con tell di police to withdraw dat dia statement onetime and do proper investigate ontop dis failed assassination attempt-mata.

 

Meanwhile, wi newtory person for Abuja, Raliat Adenekan, con katapot report say, di senate make dis resolution follo one point of order, wey, Sen. Enyinnaya Abaribe, bin raise ontop di floor of di senate, wey all di lawmaker-dem, bin criticize di kpaakpakpa way wey di police just take conclude say, na ordinary burglary e bi, weyn investigate bin still dey go on ontop dis mata.

 

Una go remember say, wi naija police bin thru one statement, wey dem katapot come out yesterday, tok say, dat assassination attempt ontop di life of oga Eweremadu and some of ein family member-dem, na ordinary burglary e bi and no bi assassination attempt, as ein bin dey claim.

On Air

with Godwin Aruwayo and Temitope Chikezie
Weekdays: 11am - 4pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701