Facebook
Twitter
Instagram
Beat TV
Google Plus
RSS Feed

Listen Live

Sen. Ahmed Lawan Don Tok di Things Wey ein Go Do As Senate President

One of wi Naija Senator wey ein eye don dey na-na for di presido seat of di senate of di number 9 senate house, Sen. Ahmed Lawan, wey dey represent Yobe north, Friday, don unveil all di plan wey ein get to won run things, if ein fit win di seat on di number 11 day of June, weyn dem go inaugurate di senate.

 

Sen. Lawan, wey yan today, e say, di vision wey ein get to won become di next senate presido, na for-am to unite di senate house, make di senate house for tanda kokoroko  as one institution, wey go must tanda gedegbe to represent di interest of di ordinary naija-person and con offload promise say, ein believe say, di senate under ein leadership, go dey ready to work with di executive to stabilize di budget circle of di contri.

 

Hon. Femi Gbajabiamila, wey dey represent Surulere 1 federal. Constituency, wey also dey put eye now to won kak as di speaker of di number 9 house of representative, e say, ein get plenty confido  ontop di leadership skill of, Sen. Lawan. Wi newtory person for Abuja, Raliat Adenekan, con katapot report say, na forty two senator-elect-dem, wey include some five Peoples Democratic Party (PDP) senator-dem, bin follo attend dis event, dey give dia support to, oga Lawan, effort to won become di next senate presido of di number 9 senate.

 

Meanwhile, de say, as things bi now, na, Sen. Ahmed lawan, wey come from Yobe state, go now face, Sen. Ali Ndume, wey come from Borno state, next week Tuesday, as Sen. Danjuma Goje, don delete comot from di race.

 

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701