Facebook
Twitter
Instagram
Beat TV
Google Plus
RSS Feed

On Air

with Ushbebe and Tomama
Weekdays: 6am - 11am

Listen Live

Put Fire-Fighting Equipment For Market, Senate To FG

Wi Naija Senate, Thursday, don tell wi Oga federal government, say, make ein put fire-fighting equipment-dem, inside all di major market-dem, wey dey across di contri. Di senate make dis resolution, after dem bin do plenty tok-tok ontop di faya wey burn-burn some market-dem for Onitsha, di week before dis week.

 

De say, na, Senator Ifeanyi Ubah and some two other senator-dem from Anambra state, Uche Ekwunife and Stella Oduah, bin raise one motion ontop di floor of di senate, as e take concern dis petrol tanker faya kasala, wey happen for Onitsha, on Wednesday, wey bi number 16 day of October.

 

De say, di Upper ouse, also tell di government of Anambra state, say, make ein try find out, wetin make di Anambra state fire service, no fit quick-quick respond to di yawa and to find out about how dem go fit take stop dat kyn thing, not to happen again for future,

 

Meanwhile, di Senate con thank wi oga federal government for di promise wey ein promise say, ein go helep dos wey loss dia property-dem inside di faya, but con also tell am to add money support to di support wey ein won give, make dos wey di okamuka affect fit see money to take restart dia business-dem again.

Photo Credit: 
thenationonlineng.net

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701