Facebook
Twitter
Instagram
Beat TV
Google Plus
RSS Feed

On Air

with Moyo
Sundays: 12pm - 3pm

Listen Live

Sabina

When you think of radio presentation wey dey make you happy and e dey help you up your swag and ginjah for life, then you know say na d multiple award winning queen of the airwave SABINA UMOREN aka NaijaPastor wey get the type of voice to tinrinrin your mind, na she you dey think about. SABINA na Author, Gospel Artiste, Motivational Speaker wey sabi helep people discover that special and unique power wey them get, and also she na strong Convener, dat na ogbonge arranger and organizer of shows. From 2004, reach now, she don range shows wey plenty pass 32 like Youth Carnivals, Funfairs, Musical Concerts, Summits, Seminars and Talk Shows.Her papa, Late. Rev. A.O Okhalagbe na retired principal before, and her mama Dcns Winifred Okhalagbe na retired teacher and dem born am for 8th of June early 70s for Jattu near Auchi, Edo state, but na from Ugboha town for Esan South Local Government of Edo State wey she come from. She na d youngest inside 8 children and she don be born again Christian since 1982.SABINA finish primary school for Arue Primary School Uromi Edo State for 1984, she com finish secondary for Army Senior Secondary School Bukavu Barracks, Kano for 1989, and for University of Lagos she com get B.A Hons for Philosphy for 1996. She don wok before as General Manager, P.R.O, and Legal Unit Reporter, and now she dey collabo music and hala talk-talk wey make sense for Naija FM 102.7 inside MORNING RUNS and SUNDAY BEST.SABINA love God wela and she like to serve people sef and tins wey go make people happy na she like to do. D eye and mind wey she get na to arrange everyting wey God give am take bring out new ogbonge tins/ways to helep set beta beta runs wey go make tins pure pas before. SABINA get her own band wey dem dey call PERFECT REALM and na beta beta music dem dey sing. She dey married and dey blessed with one daughter.AWARDS: Outstanding Broadcaster of the year –Somolu Community Awards- SOCOM 2012Best On Air Personality-Crystal Awards 2013Radio Programme of the year- Africa Gospel Music Awards AGMA UK 2013Her power na to mentor young people, MC wok, do public speaking, sing, arrange shows, writing and acting. D tins wey she like to do to take pas time na comedy and dancing. D tin wey dey push SABINA for life na d mind to impact, and helep odas achieve dem dreams. Her tinking for ds world na: Avoid to hate anybody and make you try to be d best wey you fit be. 

On Air

with Moyo
Sundays: 12pm - 3pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701