Facebook
Twitter
Instagram
Beat TV
Google Plus
RSS Feed

Listen Live

Jude Otigbu

Jude Otigbu na correct man to listen to when e reach time for sports. In short, na the kain person wey oyinbo dey call encyclopedia of sports. Him love for sports start from him humble beginning where he come from family of seven children. That time, him and his brothers dey play different kain sports. Jude na confam Delta man from one small town wey dem call Ubulu Okiti for Aniocha South Local Government Area. Jude later later go read mass communication for Institute of Management & Technology, Enugu, where him major for Broadcasting. After school, he work as P.R.O before him love for sports go carry am land for the domot of Sportvision.

 

Na for inside Sportvision Jude come become one of the three people wey start the first pidgin sport show for Nigeria wey dem call Sports Yarn. E no surprise people when Him later join Wazobia fm/Wazobia tv as sports anchor and analyst ontop radio and television. Ontop of this one, Jude na also ogbonge sports commentator, and that one come make OSMI to choose am as the first television pidgin commentator for Brazil 2014 FIFA WORLD CUP. Na him dem also choose as the official pidgin commentator for national broadcast courtesy of Kwese Sports during the time of Russia 2018 FIFA WORLD CUP where he also join team of analysts.

 

After all that waka, Jude come finally settle for Naija fm 102.7 family where he join body with Amaka to dey bring ogbonge sports tori ontop Sport Mata.

 

Nigerian Broadcasters award don nominate Jude two times for best sports presenter.

 

Apart from sports, he also love old school music DIE.  No wonder some of him friends dey call am old skool.

 

Jude na confam happy family man with wife and children.

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701