Facebook
Twitter
Instagram
Beat TV
Google Plus
RSS Feed

On Air

with DJ Atte
Saturday: 10pm to 6am

Listen Live

Presido Buhari Don Apologize To Abiola Family

Oga presido, Muhammadu Buhari, Tuesday,  don offload national apology give di family of di late chief Moshood Abiola, sake of dat cancel-cancel wey one former government bin cancel di june 12, 1993 presido election, wey pipo feel say, di man bin win.

 

Tori say, oga Buhari, offload dis apology-dem, as e bin dey give di national honor-dem to MKO Abiola and Amb. Babagana Kingibe, wey bin dey as di candidate-dem of di Social Democratic Party (SDP), wey follo bin contest di election during di year 1993.

 

De say, oga Buhari, tok say, ein decision to re-visit dis election cancel-cancel-mata, no bi say, ein do-am to take begin cos bad belle and quarrel, but e do-am to right wetin dem bin do wrong. De say, oga Buhari, bin also stretch di national apology-dem go reach di bodi of all dos wey bin follo participate inside di struggle to actualize dat election.

 

De say, na wi oga presido by ein-own hand present di award-dem to, di first son of Abiola, Mr. Kola Abiola, di wife of late Chief Gani Fawehimi; Mrs. Ganiat Fawehinmi; and Amb. Babagana Kingigbe, wey bin dey dat time as di running mate to oga Abiola. De say, oga Buhari, also approve to give national honor-dem to some three ogbonge naija-pipo wey also bin follo contribute well-well to how democracy take enter wi contri.

 

Dis pipo-dem bi, Rt. Hon. Chief Agunwa Anekwe, wey bin dey as one former speaker of di house of representatives, during di third republic; Sen. Iyorchia Ayu, wey bin dey as former senate presido during di third republic; and Sen. Ameh Ebute, wey also bin tanda too, as senate presido during dat same third republic. De say, wi oga presido bin also declare one minute silence, to take honor all dos wey die and wounjo during di June 12, struggle.

Photo Credit: 
guardian.ng

On Air

with DJ Atte
Saturday: 10pm to 6am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701