Facebook
Twitter
Instagram
Beat TV
Google Plus
RSS Feed

On Air

with Osam and OTB
Weekdays: 4pm - 10pm

Listen Live

Pres. Buhari & Turkey Pres. Tayyip Erdogan Don Agree To Work Together unto Terrorism Mata

Wi oga presido, Muhammadu Buhari and di oga presido of Turkey, Recep Tayyip Erdogan, don agree, after di tok-tok wey dem do, Friday, inside, Ankara, say, dem go put more ishon ontop di cooperation wey dey between di security agency-dem of wi both contri-dem, to fit fight against terrorism jaguda things. Una go remember say, oga Buhari, dey Turkey-now, dey do official visit and to attend di D-8 sidon-tok, wey go happen inside dat contri, tomoro.

 

De say, oga Buhari, wey yan dis word inside one join-join press sidon-tok wey happen after di meeting wey ein bin do with ein host, e say, ein dey ‘‘very happy’’ say, di minister of defence-dem of both contri, do serious sidon-tok to tok well-well ontop how dem go take develop new strategy-dem ontop counter-terrorism-mata. Oga Buhari, say, di way wey security don take hold ground now, inside di north east part of wi contri, e show say, dis ein govt don make serious effort-dem to take fight terrorism ugbarugba, since wey ein take enter office since May 2015.

 

Oga Buhari, also yan say, di two leader-dem also tok about how dem go take increase di trade parol, wey dey between di two contri, wey don gada more dan $779 million, inside di first eight months of dis year 2017. Oga Erdogan, con yan say, wi contri-naija, get plenty great potential-dem and con tok say, Turkey, get interest to invest ontop wi contri, electricity, refinery and gas sector-dem, and con add say, aero-plane travel business between wi contri-naija and Turkey, go also increase and di fren-fren wey go dey between di pipo of both contr, dey kpoin.

On Air

with Osam and OTB
Weekdays: 4pm - 10pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701