Facebook
Twitter
Instagram
Beat TV
Google Plus
RSS Feed

On Air

with DJ Atte
Saturday: 10pm to 6am

Listen Live

Pres. Buhari Don Vow To Handle Di Attack Dem For Benue

Wi oga presido, Muhammadu Buhari don yan today say, ein government dey very-very worried about all di kind attack-dem, wey dey always dey happen now a-days inside contri-side community-dem wey dey Benue state, for some time now and vow say ein go quench dis ukpanukpa-dem very-very soon.

 

De say, oga Buhari wey tok dis word weyn ein bin dey meet with farmer-dem, Fulani cow pipo, government official-dem and other stakeholder-dem inside Makurdi, con deny some tori-dem wey some pipo take dey tok say e bi like say ein no just get and even won show interest about all dis things wey dey happen inside di north-central state. Oga Buhari say, ein surprise about di revelation say, di oga kpata-kpata for wi naija police, Ibrahim Idris wey ein bin give order say make e relocate to Benue state, to quench dis kata-kata-dem, no even spend 24 hours inside state.

 

De say, di governor of di state, Samuel Ortom wey also yan, e con beg oga Buhari say, make e try to upgrade di military exercise wey dey go on now inside state wey dem tag “Ayem  Akpatema” so dat de go fit spread di operation wide well-well to fit block all dis attack-dem wey dis Fulani cow-pipo dey do for dos area-dem. Meanwhile, e also repeat ein call say, make de arrest di leadership of di Miyetti Allah Kautal Hore, as e say, na dem dey behind all dis attack-dem, wey dey happen for Benue state.

 

Meanwhile, Malam Shetima Mohammed wey bi one of dos wey dey represent di Miyetti Allah Cattle Breeders Association of Nigeria, inside di chapter wey dey Benue state, e don deny say no bi di group dey behind all dis killi-killi-dem wey dey happen inside Benue state.

Photo Credit: 
www.premiumtimesng.com

On Air

with DJ Atte
Saturday: 10pm to 6am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701