Facebook
Twitter
Instagram
Beat TV
Google Plus
RSS Feed

On Air

with Godwin Aruwayo and Temitope Chikezie
Weekdays: 11am - 4pm

Listen Live

Pres Buhari Call Meeting Wey Go Look Into Security Matter For Wi Country

Tori say, wi oga presido, Muhammadu Buhari don summon one kpaakpakpa adjerhiyo security meeting inside wi presido villa for Abuja, to take look into all di security ugbarugba-dem wey wi contri dey face now.

 

De say, dos wey follo attend dis meeting wey bin start around 11 'o' clock dis morning, na wi oga vice-presido, Yemi Osinbajo, plus all di security gbodoms-dem, wey dey wi contri-naija. Others dem wey follo attend na, di oga seci to wi oga federal government, Boss Mustapha, wi naija minister ontop defence-mata, Mansur Dan-Ali, wi naija minister ontop interior-mata, Abdulrahman Dambazau, di minister ontop akata-mata, Geoffrey Onyeama and di national security adviser, Maj.-Gen. Babagana Monguno (retd).

 

De say, de dey suspect say dem do dis meeting sake of di report wey wi State Security Services give wi oga presido on Saturday about di sidon-tok wey dem do with di boko haram jaguda group, wey con make dem free some 13 pipo, wey bin dey under di captivity of di boko haram jaguda group. According to one statement, di tok-tok-person to wi oga presido, Garba Shehu katapot come out for Abuja, e remind everi bodi say, di boko haram jaguda group bin kpakee dis 13 pipo for Magumeri area of Borno state.

 

 

Photo Credit: 
www.voahausa.com

On Air

with Godwin Aruwayo and Temitope Chikezie
Weekdays: 11am - 4pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701