Facebook
Twitter
Instagram
Beat TV
Google Plus
RSS Feed

On Air

with Osam and OTB
Weekdays: 4pm - 10pm

Listen Live

PASAN Say Dem No Go Gree NASS Work Until Dem Pay Dem

Di member-dem of di Parliamentary Staff Association of Nigeria, PASAN, don vow say, dem go continue to dey block-block everywhere, wey pipo fit dey pass enter di house of di Senate and di House of Representative, until dem go agree to implement dia  consolidated salary structure and di pay-pay of dia allawee-dem, wey di management of di national assembly, still dey owe-dem. Tori say, wi senate presido, Bukola Saraki, don offload assurance give di worker-dem, say, ein go look into dis dia mata quick-quick to try settle all di things, wey dem dey ask for.

 

Wi newtory person for Abuja, Raliat Adenekan, con katapot report say, among di things wey dis worker-dem dey ask for, na di pay-pay of dia salary and allawee money, wey di management of di national assembly dey owe-dem, even di mata of promotion wey de never promote some of dem, since di year 2010. Meanwhile, according to di informate wey come from di office of di clerk of di National Assembly, Mohammed Sani-Omolori, de say, ein dey put di blame of dis wahala ontop di neck of wi Naija ministry ontop money-mata, say, na dem cause di delay of di pay-pay of di salary of dis worker-dem.

On Air

with Osam and OTB
Weekdays: 4pm - 10pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701