Facebook
Twitter
Instagram
Beat TV
Google Plus
RSS Feed

On Air

with Godwin Aruwayo and Temitope Chikezie
Weekdays: 11am - 4pm

Listen Live

NFF Don Arrange 10 Padi Padi Match For Super Falcons

wi Naija Football Federation, don line-up about 10 international padi-padi match-dem, wey wi naija Super Falcon-dem go play, as dem dey follo prepare for di FIFA women world cup.

 

According to di NFF, e say, di reigning African women cup of nations champion, go follo participate inside one four–contri invitational tournament, wey go shele for, China as from on di number  17 to 20 day of January. De say, di super falcons go also take part for di Cyprus women cup, as from di number 25 day of February to di number 7 day of March 2019.

 

Di Super Falcons go either play Spain or Canada before, dia final training camp wey dem go open for, Austria. De dey expect di team to fly out of wi contri-naija, dey go China next week Monday.

 

Meanwhile di Naija Football Federation (NFF), don re-instate di vice-chairmo of di Ondo state football association, Dele Ologbese, Thursday, after two years, wey di oga chairmo of di state football association, Dele Ajayi, bin don take suspend-am. De say, dis na part of di resolution-dem, wey dem reach, after one stakeholder meeting, wey di NFF organize to take settle di leadership kwanta, wey bin don dey tear di Ondo state football association kpata-kpata, for Akure.

On Air

with Godwin Aruwayo and Temitope Chikezie
Weekdays: 11am - 4pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701