Facebook
Twitter
Instagram
Beat TV
Google Plus
RSS Feed

Listen Live

NERC Don Give Order Make Dem Begin Provide Meter To Pipu

Pipu wey dey subscribe to get di federal government meter asset provider regulation, go soon begin dey sing halleluyah, as di National Electricity Regulatory Commission (NERC), don give order say, make every meter provider-dem, begin to dey install prepaid meter-dem for pipo wey don aplly “not more dan ten days, wey any costumer, go don take register for ein own.

 

De say, na di chief operating officer of Ikeja Electric, Folake Soetan, tok dis word give newtory pipo, today, during one sidon-tok wey di company bin do with some of ein customer-dem, wey dey Somolu area of Lagos state. She con offload assurance give dem say, de don dey do evri-evri to make sure say, every customer get di prepaid meter.

 

Di group managing director of di contractor wey dey work ontop di meter asset provision scheme, Chantelle Abdul, wey also bin yan during di occasion, she con offload assurance say, de don already arrange all di process-dem put for ground, plus how customer-dem wey no get money, go fit dey use bank loan-dem, take dey pay for dia prepaid meter-dem and begin back small-small, without yawa.

 

Meanwhile, some pipo wey dey stay dat area, wey yan give wi newtory pipo, de say, dia belle do dem polina-polina well-well about dis kyn arrangement, but con beg wi oga federal govt say, make ein try to reduce di amount of money, wey de take dey collect dis prepaid meter.

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701