Facebook
Twitter
Instagram
Beat TV
Google Plus
RSS Feed

On Air

with Ushbebe and Tomama
Weekdays: 6am - 11am

Listen Live

Nat. Assem. Dey Worry Over Judgment Of Edo House Of Asem.

Di National Assembly, don show some kyn serious worry-worry and sadness about one judgment, wey one court give, to take reverse dia earlier decision to won take over di work of di Edo state House of Assembly. 

 

Di federal lawmaker-dem bin don resolve to won take over di law making work of di Edo state house of assembly, sake of some kyn kata-kata-dem, wey bin happen inside di house, where some nine lawmaker-dem, wey dey loyal to Governor of di state, Godwin Obaseki, ein bin secretly inaugurate dem on di number 17 day of June, meanwhile, di others no dey. Na di Speaker of di House of Representative, Honourable Femi Gbajabiamila, tok dis word, Monday, weyn di member-dem of di progressive governors' forum, bin visit di leadership of di National Assembly.

 

Di co-chairman of di forum, wey also bi di Governor of Katsina state, Aminu Masari, wey also bin yan, e call on di both arm of government, say, make dem try build stronger relationship, in order to fit settle all di okamuka-dem, wey don dey happen inside dia party between di year 2015 and 2019. Wi newtory person for Abuja, Raliat Adenekan, katapot report say, di Senate Presido, Ahmad Lawan, tok say, di leadership of di national assembly remain committed to di party and ready to dey make sure de dey meet di need of wi Naija pipo.

 

Di governor-dem of di All Progressives Congress (APC) party, wey bin show face inside di meeting, dem include: Aminu Bello Masari (Katsina), Dr. Kayode Fayemi (Ekiti), Mallam Nasir Elrufai (Kaduna), Babagana Zulum (Borno), Mohammed Yahaya (Gombe), Abdullahi Ganduje (Kano), and many others.

Photo Credit: 
guardian.ng

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701