Facebook
Twitter
Instagram
Beat TV
Google Plus
RSS Feed

On Air

with DJ Atte
Saturday: 10pm to 6am

Listen Live

NASS Don Tok Why Dem Add To Di 2018 Budget

Di National Assembly don come out con justify dia position, as e take concern dos add-add wey dem add join di 2018 budget, as dem explain say, dos money and project-dem, wey di lawmaker-dem add join di budget, na to take correct all di imbalance-dem, wey di executive do ontop di budget. De say, di joint assembly committee ontop newtory-mata,  wey, Sen. Sabi Abdullahi and Hon. Abdurazak Namdas, dey head, wey yan give newtory pipo about all di complain-dem, wey wi oga presido, Muhammadu Buhari, complain, weyn ein bin dey sign di budget, di both of dem‎ explain say, most of di reduction-dem, wey di national assembly make, e no go fit affect di implementation of any of di project-dem.

 

Lawmaker-dem accuse di Executive-dem, say, de no even implement some of di key project-dem, wey di Executive-dem, dem bin put ontop di previous budget, as dem give di example of di second Niger bridge project, wey di executive use di money take anoda things-dem. Di lawmaker-dem, tok say, di allegate of say, na only di national assembly increase ein budget, de say, na all di three arms of government do-am, as all di three arm of govt agree to dey do and con tok say, di figure-dem wey di presidency tok say, na-im dem do as e take concern di reduce wey dem reduce, all na lie-lie.

 

De say, di National Assembly con tell, oga Buhari, say, make ein present di borro-borro plan wey ein get, to di National Assembly, in order to make sure all di capital project-dem wey dey inside di 2018 budget, get di proper amount of money, to take run di 2018 budget.

On Air

with DJ Atte
Saturday: 10pm to 6am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701