Facebook
Twitter
Instagram
Beat TV
Google Plus
RSS Feed

Listen Live

NANs Don Protest SA Buinesses For Abeokuta Unto Killi Killi

Di National Association of Nigerian Students NANS, bin Thursday, go close down business-dem for inside some three South Africa company-dem wey dey wi contri, wey include di MTN office wey dey Abeokuta, di capital of Ogun state, dey protest against di anyhow bad belle killi-killi wey some South Africa pipo, dey kill wi naija pipo, wey dey dat contri. Other office-dem wey dem also bin go block business-dem, dem include di office of Multichoice DSTV and Stanbic IBTC bank branch, wey all of dem dey, Oke-Ilewo area of, Abeokuta.

 

Dis student-dem wey di tok-tok person of di association, Azeez Adeyemi, bin lead go do di protest, dem carry difrent-difrent placard-dem wey carry message-dem like; “South Africans Have Declared War; Enough Is Enough; plus others. Na at least 127 of wi naija pipo, na-im South Africa pipo don kill inside dat contri, b’cos of hatred and envy. De say, weyn di student bin dey try to lock up di compound of di  Stanbic IBTC branch, wey dey dat  area, di management staff and security pipo wey dey watch over di bank and some police pipo wey bin come with five Hilux motor-dem from di zone 2  area command of di police, no gree allow dem to lock-up di place.

 

Meanwhile, Adeyemi, wey bin yan give newtory pipo for di domot of di bank, e say,  dis dia action wey dem don take-so, e go send serious message go meet di govt of South Africa, for dem to know say, dem no go dey tolerate dis anyhow killi-killi of wi naija pipo, wey dey dat contri.

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701