Facebook
Twitter
Instagram
Beat TV
Google Plus
RSS Feed

On Air

with Osam and OTB
Weekdays: 4pm - 10pm

Listen Live

Min of Heleth Say Make Pipo No Chop Bush Meat onto Monkey Pox

Naija minister ontop heleth-mata, Prof. Isaac Adewole, don draw ear give all wi Naija pipo, say, make dem stop to dey chop dead animal-dem, bush meat, espeshia-espeshia monkey, as wi naija heleth authority-dem don dey try to find way to block-block di spread-spread of one oturugbeke disease, wey just burst out-now for Bayelsa state yonda, wey de dey call, Monkeypox.

 

De say, thru one statement wey di ministry katapot come out Thursday, oga Adewole, offload assurance give wi naija pipo say, di heleth ministry, don dey do every-every to make sure dem block dis disease, make e for no fit spread. E say, di sign of di disease na, headache, fever, back pain and if e don pass be careful, you go see bigbig krokro-dem wey big and resemble chicken pox.

 

E con tok say, any bodi wey see dos kyn sign-dem, make e report to di nearest heleth facility, and con give advise to heleth worker-dem, say, make dem dey also dey protect dem-sef too, if dem dey treat any bodi wey get dat disease for bodi, b’cos e dey fit jump from one person to anoda person. E con warn, say, dem never see di injection wey dem go fit take prevent-am and melecine wey go fit cure dis disease for now, so-dia-for? Make pipo avoid area-dem wey pipo for too gada plenty.

 

Meanwhile, tori say, de don see three case of dis oturugbeke monkey pox disease, inside Rivers state. De say, di commissioner ontop heleth-mata for di state, Prof. Princewill Chike, wey offload dis informate give newtory pipo for, Port Harcourt, today, say, di state government don dey monitor di pipo wey get di disease even de don put dem under survey. Oga Chike, con yan say, dem discover dis pipo wey get di disease for Rumu-Olumeni, Eneka, And Rumo-Imoi area-dem, all for Obio/Akpor local governmentt area of Rivers state.

On Air

with Osam and OTB
Weekdays: 4pm - 10pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701