Facebook
Twitter
Instagram
Beat TV
Google Plus
RSS Feed

On Air

with Lady J
Tuesday to Friday: 1am - 6am

Listen Live

Lagos State Govt Don Unveil Statue For Ojota

Di government of Lagos state, Tuesday, don comot cloth from di face of one thirty-seven feet statue of di acclaimed winner of di June 12, 1993 presido election, late chief MKO Abiola, wey tanda for Alapere junction area of Ojota, Lagos. 

 

De say, di governor of Lagos state, Akinwunmi Ambode,  unveil di statue, to take mark di number twenty-five year anniversary of June 12, to take honor dis man wey lost ein life to di struggle for democracy, as e die on di number 8 day of July, 1998. De say, during di event, oga Ambode, con renew ein call for restructuring, as e point out say, di present naija democratic arrangement, still dey very far from di real idea.

 

One son of late Chief MKO Abiola, Mr. Abdul-Mumuni Abiola,  wey bin represent di family, e con offload thank-you salot give wi oga presido, Muhammad Buhari, for di declare wey ein declare June 12 as di real democracy  day and di award wey e give ein late papa wey bi di highest honor for wi contri, wey bi GCFR. Di young Abiola, wey bin dey very happy, e say, though di struggle still continue, di family dey very satisfied with dis latest development.

 

Meanwhile, one guest speaker and university gbodom, Dr. Dele Ashiru, wey yan inside one lecture wey dem do to take mark di June 12, for Ikeja, e tell wi oga federal government, say, make de tell INEC to officially  announce di result-dem of dis 1993 June 12 presido election-dem, wey de cancel and officially declare MKO Abiola, as di winner, to finally put di mata of June 12 inside proper condition of fumm.

 

According to wi newtory person , Immanuel Odeyemi, e say, na plenty hundred of student-dem, pro-democracy activist-dem, June 12 coalition group-dem, market men and women plus other pipo follo attend di event.

Photo Credit: 
pmnewsnigeria.com

On Air

with Lady J
Tuesday to Friday: 1am - 6am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701