Facebook
Twitter
Instagram
Beat TV
Google Plus
RSS Feed

On Air

with Ushbebe and Naija Babe
Weekdays: 6am - 11am

Listen Live

Gowon Say Corruption Come After Ein Govt Commot From Power

Former soja head of state for wi contri, Gen. Yakubu Gowon, (rtd), don declare today, say, ein government no follo experience anything like corruption iko-iko for di nine years, wey ein bin take ontop power. De say oga Gowon, wey ein government rule dis contri from 1966 to 1975, e tok dis word weyn ein bin dey yan inside di number 8 commonwealth regional sidon-tok, wey di Economic And Financial Crimes Commission (EFCC), host for, Abuja.

 

Di former leader say, although de accuse some of ein minister-dem say, dem put hand for corruption poto-poto, but ein government bin make sure, say, dat kyn thing no happen. Oga Gowon, con tok say, ein no dey always dey-dey happen, wey newtory pipo dey carry tori-dem, wey bi like say, na all di former leader-dem for di contri bin put hand for corruption poto-poto, wey bi one kyn allegate wey dey reduce di image of dat office.

 

Meanwhile, wi contri Nobel Laureate, Prof, Wole Soyinka, wey bin follo tok inside di event, e say, di past leadership of di contri follo tif wi contri dry for over many years-now, and e go like to see say, di EFCC prosecute di former leaders-dem and di present one-dem wey wi get. Also di fidihe chairmo of di EFCC, Ibrahim Magu, wey e tok weyn ein dey welcome pipo to di event, e say, wi contri-naija dey very lucky to get dis present government of wi oga presido, Muhammadu Buhari, wey dey very committed to fight corruption iko-iko now.

On Air

with Ushbebe and Naija Babe
Weekdays: 6am - 11am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701