Facebook
Twitter
Instagram
Beat TV
Google Plus
RSS Feed

On Air

with Funbi
Tuesdays, Wednesdays and Thursdays: 1am - 4am

Listen Live

Gov of Lagos Say PDP No go Fit Commot Am For 2019 Elections

Governor of Lagos state Akinwunmi Ambode, don react to one recent statement, wey di Peoples Democratic Party (PDP), for state, bin take  threaten say, dem go comot-am from di state government seat, during di year 2019 election, e say, all dos kyn raking-dem, no fit distract-am, but instead, e go make-am to concentrate more ontop how ein go take complete all di developmental project-dem, wey dey go on now, inside di state, for di overall benefit of Lagosian-dem.

 

De say, di governor wey tok dis word thru di mouth of di state commissioner ontop home-dem-mata, Dr. Abdul-Hakeem Abdul-Lateef, weyn ein bin dey ansa queshion-dem from di mouth of  newtory pipo, for, Iju-Ishaga area of di state, e con boast say, di developmental project-dem wey di governor don already spread across di state, na-dem go campaign for di governor, during di 2019 governorship election.

 

Di commissioner con point out say, all di beta-beta project-dem wey di governor don already dey put for everywhere inside di state, na for di enjoyment of all di pipo wey dey di state, no mata di politik or religious group wey dem belong to. De say, ein get confido say, immediate-immediate wey di state house of assembly fit approve di 2018 budget, wey bi over one trillion naira, work go start kpaakpakpa ontop plenty-plenty project-dem like, di ten lane international airport road, di building of some five new stadium-dem and di three thousand megawatt power project-dem, and e go helep to boost di economy of di state. Wi newtory person, Immanuel Odeyemi, con katapot  report say, no PDP member inside Lagos state-yiee sef, don even show any interest to follo contest di 2019 governorship election inside di state.

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701