Facebook
Twitter
Instagram
Beat TV
Google Plus
RSS Feed

On Air

with Osam and OTB
Weekdays: 4pm - 10pm

Listen Live

Gov. Ambode Don Provide Aid Give Pipo Wey Get Disability For Lagos State

Di oga kpata-kpata for Lagos state, Akinwunmi Ambode, don announce today, say, di state government go soon begin dey distribute letter of employment go give some 250 pipo wey get komaa for bodi.

De say, according to oga Ambode, e say, dem go shuffle dis pipo enter inside di state civil service plus all di local govt area-dem and local council development area-dem, wey dey inside di state.

De say, na over two thousand pipo wey dey dis kyn condition also enjoy plenty awuf like; assistive device-dem, motor and money, from di hand of di state government today.

De say, dis assistive device-dem include wheelchair-dem, white cane-dem, computer set-dem plus magnetic board-dem.
Meanwhile, di deputy governor of di state, Dr. Idiat Adebulu, wey represent oga Ambode, inside di event, she con jinja dis pipo, wey enjoy from dis awuf dash-dash say, make dem use dis things-dem proper-proper.

According to di state commissioner ontop youth and social development-mata, Mrs. Uzamat Akinbile-Yusuf, wey bin first yan, she offload assurance give dis pipo wey get komaa for bodi say, di government go continue to look for way-dem, to take make life dey easy for dem.

Meanwhile, di leader-dem of dis physically challenge pipo inside di state, Mr. Waheed Oki and Mrs. Adedoyin Beyioku-Alase, wey use di others mouth to take tok, dem show plenty joy about dis thing wey oga Ambode, do for-dem, as also bring out anoda five hundred million naira as money, wey dem ein give dem to take do other things.

Wi newtory person, Immanuel Odeyemi, katapot report say, di leader-dem of dis pipo wey get komaa for bodi, con dey advise dis kyn of pipo wey dey inside di state, wey never register, say, make dem try register with di Lagos state office of disability, so-dat, dem fit begin follo enjoy all dis gain-dem wey dem dey enjoy now, from di state government.

On Air

with Osam and OTB
Weekdays: 4pm - 10pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701