Facebook
Twitter
Instagram
Beat TV
Google Plus
RSS Feed

Listen Live

Gbajabiamila Wan Re-Arrange Constitution To Support Local Security Groups

Di Speaker of di House of Representative, Femi Gbajabiamila, don yan say, dis house under ein leadership go re-panel beat di constitution in order to give backing to all di difrent-difrent security efforts wey pipo dey make for difrent-difrent part of di contri.

 

Di speaker tok dis word Wednesday, weyn ein bin offload ein welcome address, during di beginning of dia general sitting. Di speaker dey tok dis word now, to take react to all di tumbo-tumbo tok-tok plus arguments wey dey go on now about dis operation Amotekun, wey di six governors of di South West don form now to take support di work of di Police for di region.

 

Una go remember say, di governors of dis region bin of recent launch di Amotekun security group on di number 9 day of January, wey after some few days wi oga federal government con declare-am as illegal group, thru di mouth of di oga Attorney General of wi contri and Minister ontop Justice-mata, Abubakar Malami.

 

Meanwhile, tori say, di Speaker of di House of Representative, Femi Gbajabiamila, bin Wednesday-too, nak di oath of office ontop Alhassan Ado-Doguwa, wey bi di former Leader of di House, and some six other members, as dem re-accept-am again to continue as di Majority Leader of di House. Na for inside di Chamber of di House, na-im di shoki ceremony bin happen, Wednesday.

Photo Credit: 
guardian.ng

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701