Facebook
Twitter
Instagram
Beat TV
Google Plus
RSS Feed

On Air

with DJ Atte
Saturday: 10pm to 6am

Listen Live

FG Say Dem Go Implement 2018 Budget Proper, Come Diversify Economy

Oga federal government don use hand nak chest say, ein go implement di 2018 budget proper, as dem say, di government dey plan to make more effort-dem to put more speed ontop di diversification parol of di economy. De say, na wi naija minister ontop budget and national plan-plan-mata, Sen. Udoma Udo Udoma, na-im offload dis assurance weyn de dey present di breakdown of di budget for Abuja, as e say, di government go continue to spend more money ontop di infrastructure project-dem, wey dey go on now, wey go also helep to create job-dem and also helep di grow-grow of wi contri-naija.

 

Oga Udoma say, de won use di 2018 budget to gada more weight put ontop di 2016 ‘ budget of change’ and di 2017  ‘budget of recovery and grow-grow, and e con say, di strength of wi contri economy, show inside di way wey wi  contri foreign reserve money take kputu-now, as di amount now don tanda for 47 billion dollars as at June 13, 2018. De say, di oga director general of di budget office, Ben Akabueze, wey also yan, e say di government don dey make some kyn drive-now to make sure all wi naija pipo wey don reach to dey pay tax-money, declare di source of dia income and pay dia tax to government, and also di govt don dey make  effort to make sure say, government get ein own business-dem to increase di money wey ein dey gada put for wi contri pocket.

 

Meanwhile, wi newtory person for Abuja, Raliat Adenekan, remind every bodi say, wi oga presido, Muhammadu Buhari, bin on Wednesday, sign di 2018 budget of N9.12 trillion, wey de give gai-name as “budget of consolidation”.

On Air

with DJ Atte
Saturday: 10pm to 6am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701