Facebook
Twitter
Instagram
Beat TV
Google Plus
RSS Feed

On Air

with Ushbebe and Naija Babe
Weekdays: 6am - 11am

Listen Live

FEC Say Min of State for Petroleum End Fuel Queues

Federal Executive Council don order wi naija minister of state ontop petroleum-mata, Ibe Kachikwu, to end di fuel queue-dem, wey don dey show face for some time now, across di contri, by di end of dis week. De say, de give dis order inside di federal executive council meeting, wey dem do today, wey wi oga vice presido, Yemi Osinbajo, kak run things.

 

De say, fuel queue-dem don dey show face since on Monday, across di contri, as di NNPC put di whole blame ontop di panic buy-buy wey some pipo dey do and con tok say, di fuel wey wi contri get-now, go fit last till di end of January next year. According to wi naija minister ontop informate-mata, Lai Mohammed, wey offload dis informate, give newtory pipo after di meeting, e say, oga Kachikwu, na-im bi di person wey suppose to yan give wi naija pipo about dis mata, but e dey attend one very important meeting now to try to settle dis fuel palava.

 

Oga Mohammed, say, wetin follo dey cause dis scarcity, na b’cos of say, na only NNPC dey import petrol-now, and con add say, oga Kachikwu, don offload assurance say, ein go settle di whole wahala. E also tok say, di govt no get any plan to won increase di price of petrol.

Advertisement

On Air

with Ushbebe and Naija Babe
Weekdays: 6am - 11am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701