Facebook
Twitter
Instagram
Beat TV
Google Plus
RSS Feed

On Air

with Ushbebe and Tomama
Weekdays: 6am - 11am

Listen Live

ASUU Strike Go End Next Week - Mallam Adamu Adamu

Di meeting wey happen between wi oga federal government and wi university lecturer-dem, yesterday, di meeting no get head at-all-at-all.

Una go remember say, di join-bodi of university teacher-dem inside wi contri-naija, di Academic Staff Union of Universities, ASUU, begin dia nationwide strike dis week, to take tell government to make sure e honor ein own part of di agreement wey ein bin get with di union since di year 2009.

De say, di yesterday meeting bin start exactly 3:42 p.m. For Abuja.

During ein open tok-tok inside di meeting, di minister ontop labour-mata, Chris Ngige, tok say, ASUU no follo di proper process, before dem start dis dia strike.

Meanwhile, di presido of ASUU, Prof. Biodun Ogunyemi, wey respond to oga Ngige, e accuse oga Ngige, say, e dey take side with ein mata ontop educate-mata, Mallam Adamu Adamu.

E argue, say, ASUU bin give informate to all di normal ministry-dem, before dem start dis dia strike.

De say, di meeting con later go into technical session.

But after di end of di meeting, di ASUU presido, con announce say, di strike dey continue and di union go ansa government next week.

Meanwhile, wi naija minister ontop educate-mata, Alh. Adamu Adamu, con offload assurance give wi naija pipo say, by God grace, di strike go end next week. 

Photo Credit: 
loudestgist.com

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 26 Keffi Street, Off Awolowo Road, Ikoyi, Lagos

Telephone:

+234 (0) 1270.1020

+234 (0) 1463.1700

+234 (0) 1463.1701