Facebook
Twitter
Instagram
Beat TV
Google Plus
RSS Feed

On Air

with Femi German
Weekdays: 4pm - 9pm

Listen Live

Zambian education minister chop sack from office afta one sex video wey go viral

Zambia President Edgar Lungu don fire di kontri Education Minister, David Mabumba afta one leaked nude video of one man wey dey like am go viral for social media.

 

 

Recently, video of one man wey look like Zambia education Minister go viral. Inside di video di man dey do live WhatsApp video with one woman and e dey naked plus dey masturbate.

 

 

For di statement wey president Lungu spokesperson, Isaac Chipampe release, im no give any reason why im dey sack oga Mabumba

 

Di presido also tweet say make oga Mabumba comot from office with ' immediate effect'

 

 

For now, oga Mabumba wey be 49 and wey dem bin appoint for cabinet in 2016, neva comment on di video or dismiss am.

 

Local media dey report say di incident for dat viral video happun wen di education minister dey for quarantine.

 

Police for Zambia say dem don dey investigate di mata while di National Guidance Affairs Minister Reverend Godfridah Sumaili don advise di public to stop to dey spread di video.

 

Ms Sumaili don even tell local media say e no dey good for pipo to continue to dey circulate di video but all dis advise neva stop di social media frenzy.

 

Meanwhile, President Lungu don put di minister of Water Development, Sanitation & Environmental Protection, Dr. Dennis Wanchinga as Minister of General Education.

On Air

with Femi German
Weekdays: 4pm - 9pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com