Facebook
Twitter
Instagram
Beat TV
Google Plus
RSS Feed

On Air

with Femi German
Weekdays: 4pm - 9pm

Listen Live

Seven-Years-Old Boy Wey Make $22m Na Im Be YouTube Top Earner 2018

One seven-years-old boy wey dey review toys na im don tanda for number 1 position for di list of di highest paid YouTube celeb wit $22m (£17.3m) for 2018 only.

 

According to di calculation wey Forbes magazine do, dem find out say Ryan of Ryan ToysReview pass ogbonge YouTube celeb Jake Paul wit $500,000 for di 12 months to June.

 

Dis 6-year old dey make $11 million a year ontop YouTube

 

Di young boy, wey dem no gree expose im last name and location for US to protect im private life, jump from number eight place last year to number 1 place dis year.

 

Di money wey dem pay Ryan no include tax or fees wey agents or lawyers charge, and e don double compare wit before year.

 

Wen NBC tori pipo ask am why pikin dey like watch im videos, e say: "Na because e dey entertain dem and e dey funny."

 

Since Ryan parents arrange di channel for YouTube on March 2015, di videos don almost get 26 billion views and gada 17.3 million followers.

 

Forbes tok say all di $22m total except $1m dem gada am from advert wey dey show before videos go play for YouTube, while di remaining, moni come from sponsored posts.

 

Forbes write say di amount wey dem gada from sponsored posts dey small compare wit oda top YouTubers.

 

For August, Walmart begin sell different kain special toys and clothing wey dem call Ryan World, and one video wey show Ryan and im parents dey search for im own toys for one Walmart store don get 14 million views in three months.

 

Di revenues from di Walmart deal na wetin still fit increase di overall moni wey Ryan go get next year.

 

As e still be small pikin, dem dey put 15% of di moni wey Ryan dey receive inside one bank account wey e go only fit collect wen e don become adult.

Photo Credit: 
dailypost.ng

On Air

with Femi German
Weekdays: 4pm - 9pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
02 6280101

02 628 0102

0805 222 9007

 

enquiries@naija102.com