Facebook
Twitter
Instagram
Beat TV
Google Plus
RSS Feed

On Air

with Wisdom and Soga
Weekdays: 9pm - 1am

Listen Live

Massive fire in Lebanon Beirut port area dey burn again

Massive fire explosion dey happun now inside Lebanon Beirut port area.

 

 

No immediate informate dey available ontop wetin cause Thursday fire inside Beirut wey dey huppun just a little more than a month since port explosion tear apart di Lebanese capital on 4 August.

 

 

Tori be say dis fire start around 11 O'clock GMT for one area wia dem dey store oil and tyres.

 

 

 

One eyewitness tell local tori say at di time of di fire outbreak, pipo bin dey do work to remove goods wey dem store inside damaged warehouses and reconstruction work bin dey also happun to repair di 4 August damage dem.

 

 

Red Cross for Beirut say so far no deaths or injuries report dey, but some pipo dey suffer shortness of breath, local media dey report.

 

 

Head of Lebanon Red Cross, George Kettaneh say no fear of explosion dey as a result of di fire

 

 

 

Even though say dem get assurances say di situation dey under control, some pipo wey dey live for Beirut wey still dey traumatised by last month explosion, drive out of di city wen di fire break out.

 

 

 

As e dey for di case wit di August disaster, firefighters arrive di scene without being any informate of exactly wetin cause do fire -though "we bin no go in blind," Lieutenant Michel Murr, wey dey oversee di firefighting efforts inside Beirut, tell Al Jazeera.

 

 

Di fire dey happun for di same place wia at least 190 die last month for fire explosion inside Lebanon Beirut port area.

 

 

Hundreds of thousands of pipo still dey affected by dat singular fire explosion and dem still dey search for any sign of life for di area but Thursday explosion fit quench di hopes of seeing any more survivor.

On Air

with Wisdom and Soga
Weekdays: 9pm - 1am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com