Facebook
Twitter
Instagram
Beat TV
Google Plus
RSS Feed

On Air

with Wisdom and Soga
Weekdays: 9pm - 1am

Listen Live

I Dey Contest To Destroy Old System - Oby Ezekwesili

Co-founder of di ‘Bring Back Our Girls’ movement, Oby Ezekwesili, don declare to contest for president of Nigeria for 2019.

 

Madam Ezekwesili, wey be former education minister, dey run under Allied Congress Party of Nigeria, ACPN.

 

On Sunday 7 October, di main opposition People's Democratic Party, PDP, choose former vice president Atiku Abubakar as dia candidate.

 

Di ruling All Progressives Congress, APC, also announce say na President Muhammadu Buhari be dia flagbearer for next year election.

 

Madam Ezekwesili say she join di race to end di reign of all those old politicians wey continue chop di kontri dry.

 

“I offer myself to lead di pipos movement to permanently terminate di mediocre politicians”

 

“We go break evri barrier down wey wan stop us to achieve a new Nigeria." She explain.

 

She explain give say her administration go focus on four major agenda.

 

To grow high standard of living by real GDP per capital

To increase adult literacy and make sure say education be priority

To increase life expectancy

To build strong kontri and create job for young pipo.

With dis declaration, Madam Oby Ezekwesili don join di number of candidates wey dey challenge President Buhari for 2019.

 

ACPN chairman, Ganiu Galadima, say di choice of Oby Ezekwesili represent hope for Nigeria.

Photo Credit: 
bizwatchnigeria.ng

On Air

with Wisdom and Soga
Weekdays: 9pm - 1am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com