Facebook
Twitter
Instagram
Beat TV
Google Plus
RSS Feed

On Air

with Wisdom and Soga
Weekdays: 9pm - 1am

Listen Live

Ghana record 25 new covid-19 cases, total infections jump catch 52

Ghana record 25 new covid-19 cases, total infections jump catch 52 out of which two pipo die.

 

 

Health Minister, Kweku Agyeman Manu reveal say dem record de 25 cases after dem test 185 travellers wey dem quarantine by force sake of dem arrive before President Akufo-Addo border closure wey take effect Sunday midnight.

 

 

"Out of de 185 test results we get, 25 of de people wey we quarantine test positive. If we add de earlier number of 27, e dey mean say get get 52 people wey test positive for wana country now" Mr Agyeman Manu add.

 

 

So far health officials say dem quarantine 1030 persons wey enter Ghana by force, take samples of 611 of dem.

 

 

Officials say de remaining pipo wey test b=negative out of de 185 tests go continue dema mandatory 14 day quarantine while authorities monitor dem.

 

 

Ghana Health Service no sheda give details of who dis person be den other stuff.

 

 

 

Ghana close all dema land, sea den air borders sake of dem wan contain de spread of covid-19.

 

 

Tourism authorities don also close beaches till further notice as precautionary measures to contain di spread of di disease.

 

 

Prez Akufo-Addo announce dis move for national address inside Saturday evening. He explain say de borders go remain closed for two weeks.

 

 

"We go close all wanna borders, land, sea den air to human traffic for de next two weeks beginning midnight on Sunday," he talk Ghanaians.

 

 

President Nana Akufo-Addo explain say de border closure no go affect goods, supplies den cargo.

 

 

However, Ghanaian citizens den foreign nationals who get residence permits go enter mandatory quarantine if dem arrive Ghana before Sunday midnight.

 

 

Dis move be part of ways wey go "limit den stop de importation of de virus, contain de spread, care for de sick well-well, reduce de impact of de virus on social den economic life den inspire de increase Ghana en domestic power den self-reliance" President Akufo-Addo talk.

 

 

He make dis announcement after Ghana record first covid-19 death case where one Lebanese who chop 61 years die for Kumasi.

 

 

Officials say de patient wey die get some other health conditions in addition to coronavirus.

 

 

On Wednesday March 25, Ghana Prez declare national fasting and prayer give all Ghanaians make people pray against coronavirus.

 

Di authorities encourage di pipo make dem obey social distancing rules.

On Air

with Wisdom and Soga
Weekdays: 9pm - 1am

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com