Facebook
Twitter
Instagram
Beat TV
Google Plus
RSS Feed

On Air

with Hakeem and Folakemi
Weekdays: 11am - 4pm

Listen Live

Disney ‘Princess Sade’ Wetin Pipo Wan See Inside Dis New Film

No dolling for Nigerians inside Hollywood, afta Black Panther, anoda set of kontri men go rep Naija green white green for Disney latest tear rubber feem about one African Princess.

 

Disney don start plan to develop new fairytale wey dem call Sade.

 

Di movie go be about one African princess wey get magic power and wan save her kingdom from evil.

 

Nigerian writer, Ola Shokunbi follow Lindsey Reed Palmer write di story for di movie even as na Lindsey bin sell di idea give Disney.

 

Disney studio don also make Nigerian-American director Rick Famuyiwa as producer, and Scott Falconer as di executive producer.

 

Famuyiwa don work on films like Dope and Brown Sugar.

 

Wetin pipo wan see for di feem

 

Although di possibiltiy say dem go film dis movie for Nigeria no dey high, as at now, two Nigerians don already dey work on top di project, and with di calls for African actress for social media, e go fit move dem to want try indigenous African actress wey go cari di culture go outside pass.

 

If dem rili enta di culture for di movie e go for make pipo wan come to see wetin dey happen.

 

Not only dat, pipo don already start dey tok dia own on top wetin dem wan see wen e don ready.

 

Pesin say Nigerian actress Jemima Osunde go good as Sade. Anoda pesin say if African actress no dey, dem no dey watch. Somebodi say e wan see Nigerian food for di movie.

 

Who dis African Princess epp?

 

E go help Hollywood dey show tori from oda pipo eye.

 

Ova time, dem don chop accuse say dem too dey white-wash, wey mean wen dem use white pesin to act like say dem be anoda colour.

 

E go also epp show di African culture as pipo at least African dey part of di pipo wey dey tok di tori.

 

For instance, Black Panther try change di way pipo go dey look superheroes and also di tori of Africa wey world bin get.

 

Dis also fit put African talent for front of like say na here dem dey if dis movie make beta money wen e comot.

 

Which fit make more African tori, writers dem and even actors go go global.

 

Fairytales don dey change small-small from movies like Frozen, Moana, Tangled and Brave wey try show say no be by man alone, life fit good, so dis go be next step.

Photo Credit: 
metro.co.uk

On Air

with Hakeem and Folakemi
Weekdays: 11am - 4pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com