Facebook
Twitter
Instagram
Beat TV
Google Plus
RSS Feed

On Air

with ...
Saturdays: 6am - 12pm

Listen Live

Covid-19: Vaccine Alone No Be Solution - FG

Federal Government don tok say, even as e be say di development of Vaccines na sign of hope and one welcome development to countries wey dey fight to reduce di spread of Covid-19, den con also sama warning say Vaccines alone no be solution.

 

 

Na di Secretary to di Government of di Federation and wey also be di Chairman of di Presidential Task Force on Covid-19 oga Boss Mustapha na him con offload some of di critical challenges during dat dia everi week national briefing inside Abuja, as he say dem still need to take some more practical steps to take block di way pple dey take kpai follo di yamayama disease.

 

 

Wi newstori person Nathan Williams con katapot report say di Honourable Minister of State for Health Dr. Olurunnimbe Mamora wey also yarn during di briefing con also tok say, Vaccines from any oda source must to first have NAFDAC dem Emergency Use Authorization. Di  Executive Director of di National Primary Health Care Development Agency (NPHCDA) Dr Faisal Shuaib, con also tok say di Deployment of vaccines to States go dey based on di assessment of dia level of preparedness.

 

 

Still ontop dis mata, di National Incident Manager, for di PTF on COVID-19, Dr. Mukhtar Muhammad, con dey tell di media say, make den help di country to overcome di mata dem of vaccine hesitancy, as he say di PTF go continue to look into more strategies to take tackle di pandemic plus block di spread of di virus.

On Air

with ...
Saturdays: 6am - 12pm

Photos

Connect

Facebook
Twitter
Instagram
Beat TV
Google Plus
RSS Feed
Download our apps

Contact

We are located at 49, Ondo Street,
Off Osuntokun Avenue, Old Bodija,
Ibadan, Oyo State, Nigeria.
Telephone:
09015871597

Sales & Marketing

09023753507

 

enquiries@naija102.com